Terms of Service
Kaam kaise chalta hai — payment, scope aur ownership ki saaf shartein.
Scope
Har project ka scope shuru me likh ke tay hota hai — kya banega, kitne page, kitne revision. Scope se bahar ka kaam alag quote pe hota hai. Isse dono taraf confusion nahi hota.
Payment
Setup fee ka 50% kaam shuru karne se pehle, baaki 50% delivery pe. Monthly retainer har mahine ki 1 tarikh ko. Har payment ka invoice milta hai.
Timeline
Timeline shuru me batayi jaati hai. Agar aapse content, photo ya approval late milta hai, to timeline usi hisaab se aage badhti hai.
Revisions
Har deliverable pe do round revision shamil hai. Uske baad ka badlav alag charge pe hota hai.
Ownership
Domain, hosting aur saare account aapke naam pe hote hai. Final payment ke baad website aur content ka malik aap hai. Kaam band ho jaye to bhi kuch hostage nahi rakha jaata.
Third-party kharch
Domain, hosting, WhatsApp API, ad spend aur paid tool ka kharch actual hota hai aur aapka hai. Meri fee usse alag hai.
Retainer cancel
Minimum 3 mahine ke baad monthly retainer kabhi bhi 30 din ka notice de kar band kiya ja sakta hai — dono taraf se.
Result
Kaam time pe aur tay kiye scope ke hisaab se hone ki guarantee hai. Lead ya sale ki exact number ki guarantee nahi di jaati, kyunki wo market aur aapke business pe bhi depend karti hai.
Aakhri update: 2026 · ranjeetnayak@yuktantra.com