Schools ke liye

School ka pura kaam ek system par

Register, Excel sheet aur WhatsApp group se nikal kar — admission se lekar fees, attendance, exam aur parent communication tak, sab ek jagah. Har department ka alag module.

  • Fees collection tez — defaulter list roz apne aap
  • Parent ko turant update — absent, fees, notice, result
  • Director ko ek screen par pura school
  • Clerk ka register ka kaam ghanton se minute me
Free demo book kare

Demo aapke school ke apne data par — 30 minute, koi charge nahi

School me teen log, teen alag pareshani

Ek hi baat teeno ko nahi chubhti. Isliye system bhi teeno ke liye alag cheez solve karta hai.

Director / Trustee

Fees kitni aayi, kitni pending hai — har baar accountant se puchna padta hai. Admission kitne hue, pichle saal se kam ya zyada, saaf pata nahi chalta.

Phone par ek dashboard — aaj ka collection, total pending, admission pipeline, attendance percentage. Kisi se puche bina.

Principal

Teacher chutti par hai to period adjust karna, parent ki complaint, exam ka result banwana — pura din inhi me nikal jaata hai.

Substitution suggest ho jaata hai, parent ko notice ek click me jaata hai, result auto ban jaata hai. Academic kaam ke liye waqt bachta hai.

Accountant / Clerk

Receipt book, fee register, attendance register, defaulter ki list Excel me — ek hi cheez teen jagah likhni padti hai. Mahine ke end me mila'na padta hai.

Ek jagah entry, baaki report khud ban jaati hai. Naukri par khatra nahi — jo kaam sabse bore karta tha wahi kam hota hai.

Dikhega kaisa

Neeche interface ka preview hai — Director ka dashboard, clerk ki fee screen aur parent ka phone. Ye stylised design hai, kisi school ka asli screenshot nahi.

Aaj ka summaryAaj
Aaj ka collection
₹1,24,500
Total pending
₹8,40,000
Attendance
92%
Nayi enquiry
14
Fee collection — pichle 6 mahine
Dhyaan dene layak
  • Class 8 me 12 students ki fees 30 din se pending
  • 3 teacher aaj absent — substitution lag gaya
Director ka dashboard
Saraswati Public School
School

Suchna: Aarav Kumar aaj school nahi aaye hai. (Class 6-A)

Auto9:12 AM

Fee reminder: Term 2 ka ₹4,500 5 tarikh tak. Yahan se bhare: pay.school.in/ar12

Auto9:15 AM

PTM: Shanivaar 10 baje. Aarav ka result portal par aa gaya hai.

Auto9:15 AM
Parent ka phone
Fee Collection
Naam ya roll number se dhoondhe
Aarav Kumar
Class 6-A
₹4,500
Paid
Ishita Singh
Class 6-A
₹4,500
Pending
Rohan Mahto
Class 6-B
₹4,500
Paid
Sneha Verma
Class 7-A
₹5,200
Overdue
Ek click me defaulter list aur reminder
Clerk ki fee screen

Interface preview — asli demo aapke apne data par dikhaayi jaati hai

Sirf school nahi

Junior college, degree college aur bade coaching ka andar ka kaam lagbhag wahi hota hai — admission, fees, attendance, exam. Module wahi rehte hai, sirf naam aur report ka format badalta hai.

School (K–12)

Nursery se 12th tak. Class-section, parent communication aur transport par sabse zyada zor.

Junior College / +2

Stream aur subject combination, practical marks, aur board ka alag exam pattern.

Degree College

Semester, elective, internal assessment aur university ko bhejne wali report.

Bada Coaching Institute

Batch, test series, installment wali fees aur demo class ki enquiry tracking.

Board ke hisaab se report

Marksheet aur attendance ka format aapke board ke hisaab se banaya jaata hai — dobara haath se banane ki zaroorat nahi.

  • CBSE
  • ICSE / ISC
  • JAC (Jharkhand)
  • BSEB (Bihar)
  • WBBSE
  • State Board

Department ke hisaab se — kya problem, kya system, kya faida

Har department ka apna module. Poora ek saath lena zaroori nahi — jahan sabse zyada dard hai wahan se shuru kariye, baaki baad me jodte jaaiye.

Admission & Front Office

Abhi ready

Enquiry aayi thi, admission kahaan gaya — ye ab pata chalega

Aaj kya hota hai

  • Enquiry register me naam likh liya, follow-up karna bhool gaye
  • Parent ne call kiya tha, kisne attend kiya aur kya bola — record nahi
  • Season me 200 enquiry aayi, kitne admission bane — koi hisaab nahi
  • Admission form bharne ke liye parent ko school aana padta hai

Hum kya dete hai

  • Online enquiry form — website aur Google se seedha system me
  • Har enquiry ka status: new, follow-up, visit hua, admission, lost
  • Auto WhatsApp follow-up — 1 din, 3 din, 7 din par reminder
  • Online admission form, document upload ke saath
  • Source-wise report — Google se kitne, reference se kitne

Isse kya badlega

  • Ek bhi enquiry chhut'ti nahi — follow-up system yaad rakhta hai
  • Pata chalta hai paisa kis channel me lagana hai
  • Front desk par bheed kam, form ghar se bhar jaata hai

Fees & Accounts

Abhi ready

School me sabse bada dard — aur sabse jaldi dikhne wala faida

Aaj kya hota hai

  • Manual receipt book — carbon copy, kabhi kabhi receipt hi nahi milti
  • Defaulter ki list Excel me alag alag sheet me, class-wise banani padti hai
  • Reminder haath se — clerk ek ek parent ko call karta hai
  • Din ka collection shaam ko tally karna padta hai, kabhi match nahi hota
  • Transport, exam, uniform ki fees alag register me

Hum kya dete hai

  • Fee structure master — class-wise, term-wise, concession ke saath
  • Online payment link — UPI, card, netbanking; receipt turant WhatsApp par
  • Auto reminder — due se pehle, due date par, aur baad me
  • Defaulter report ek click me, class-wise ya amount-wise
  • Daily collection sheet — cash, online, cheque alag alag

Isse kya badlega

  • Fees jaldi aati hai — reminder chalta rehta hai, sharam ka mamla nahi rehta
  • Pending amount har waqt saaf, mahine ke end ka intezaar nahi
  • Receipt ka jhagda khatam — parent ke phone me proof rehta hai

Student Attendance

Abhi ready

Parent ko 9 baje pata chal jaaye ki bachcha school pahunch gaya

Aaj kya hota hai

  • Register me lagti hai, mahine ka percentage nikaalne me din lag jaate hai
  • Bachcha school nahi aaya — parent ko shaam ko pata chalta hai
  • Register kho jaaye ya bheeg jaaye to record hi khatam
  • Kaun sa bachcha lagatar gaayab hai, koi alert nahi

Hum kya dete hai

  • Class-wise attendance — phone ya tablet par, 30 second me
  • Absent bachche ke parent ko turant WhatsApp/SMS
  • Monthly percentage report khud ban jaati hai
  • Lagatar 3 din absent par Principal ko alert
  • Board ke liye attendance record export

Isse kya badlega

  • Parent ka bharosa badhta hai — safety ka message roz jaata hai
  • Attendance percentage nikaalne ka kaam pura khatam
  • Drop-out se pehle pata chal jaata hai, bachcha bacha liya jaata hai

Parent Communication

Abhi ready

WhatsApp group ki bheed se nikal kar seedha aur naapa-tola message

Aaj kya hota hai

  • WhatsApp group me sab mila-jula — zaroori notice neeche dab jaata hai
  • Parent group me aapas me baat karte hai, school ki image kharab hoti hai
  • Kisne notice padha, kisne nahi — pata nahi
  • Ek class ko bhejna tha, pure school ko chala gaya

Hum kya dete hai

  • Parent portal ya app — sirf apne bachche ki jaankari
  • Targeted notice — pure school, ek class, ek section, ya ek bachcha
  • Delivery aur read report
  • Homework, exam date sheet, holiday, PTM ka schedule
  • Do-taraf message — parent leave application yahin se de sakta hai

Isse kya badlega

  • Zaroori suchna sach me pahunchti hai, dab'ti nahi
  • School professional dikhta hai — admission season me ye farak karta hai
  • Office ke phone call kam hote hai

Management Dashboard

Abhi ready

Director ke liye — kisi se puche bina pura school ek screen par

Aaj kya hota hai

  • Har number ke liye accountant ya clerk se puchna padta hai
  • Jawab agle din milta hai, tab tak decision ruk jaata hai
  • Pichle saal se comparison karne ka koi tareeka nahi
  • Branch ek se zyada hai to alag alag report mangwani padti hai

Hum kya dete hai

  • Ek screen — aaj ka collection, total pending, attendance %, admission pipeline
  • Class-wise aur month-wise trend
  • Staff present / absent, aaj ka summary
  • Multi-branch view (Campus plan me)
  • Mobile par bhi wahi dashboard

Isse kya badlega

  • Decision usi waqt, data ke saath — andaaze par nahi
  • Leakage aur galti jaldi pakdi jaati hai
  • Meeting me sabke saamne ek hi sach hota hai

Admission Marketing

Abhi ready

Ye koi ERP company nahi deti — hamara asli farak yahin hai

Aaj kya hota hai

  • School ka website purana hai ya hai hi nahi
  • Google par school ka naam search karo to competitor upar aata hai
  • Admission season me poster aur auto-announcement par hi bharosa
  • Ads chalaye the, kitne admission aaye — pata nahi

Hum kya dete hai

  • School website — mobile-first, photo gallery, faculty, result, fee structure
  • Google Business Profile — photo, review, direction, admission ka phone number
  • Admission season me Google aur Meta ads, sirf apne shehar me
  • Landing page jahan se enquiry seedha admission module me girti hai
  • Local SEO — "best school in [aapka shehar]" par dikhna

Isse kya badlega

  • Enquiry apne aap aati hai, sirf reference par nirbhar nahi
  • Har rupaye ka hisaab — kitne enquiry, kitne admission
  • Naye parent ko school online dikhta hai — pehla impression wahi banta hai

Demand par banega

Staff Attendance, HR & Payroll

Demand par banega

Punctuality aur salary — dono par control

Aaj kya hota hai

  • Teacher kab aaya kab gaya, register par sign se pata nahi chalta
  • Leave register alag, kisne kitni chutti li — mahine ke end me jhagda
  • Salary calculation Excel me, ek formula galat to sab galat
  • PF, TDS, arrear ka hisaab manual

Hum kya dete hai

  • Biometric ya GPS-based staff attendance
  • Leave application aur approval system me — kagaz nahi
  • Auto salary sheet — present days, leave, deduction ke saath
  • Salary slip staff ke phone par
  • PF / TDS ke liye ready statement

Isse kya badlega

  • Late aana apne aap kam ho jaata hai — record dikhta hai
  • Salary ka jhagda khatam, sab kuch likhit
  • Payroll ka 2 din ka kaam 2 ghante me

Exam & Result

Demand par banega

Marksheet banane ka hafta — ab do din

Aaj kya hota hai

  • Marks entry Excel me, har teacher ka format alag
  • Marksheet manual banti hai, likhne me galti hoti hai
  • Board ka format alag, school ka alag — dobara banana padta hai
  • Rank aur grade calculate karna sar-dard

Hum kya dete hai

  • Teacher-wise marks entry, subject aur exam ke hisaab se
  • Auto grade, percentage aur rank
  • Board-format marksheet PDF, school ke logo ke saath
  • Result parent portal par — parent ko turant
  • Class-wise performance report Principal ke liye

Isse kya badlega

  • Result nikalne ka waqt hafta se do din
  • Marksheet me likhai ki galti khatam
  • Kamzor bachche time par pakde jaate hai

Timetable & Substitution

Demand par banega

Teacher chutti par — period adjust ka roz ka sar-dard khatam

Aaj kya hota hai

  • Timetable banane me hafta lagta hai, phir bhi clash reh jaata hai
  • Teacher absent, to Principal khud daudte hai kise bhejna hai
  • Class khaali reh jaati hai, parent ko pata chalta hai
  • Timetable badla to sabko batana ek alag kaam

Hum kya dete hai

  • Timetable banane me madad — clash apne aap pakda jaata hai
  • Teacher-wise aur class-wise view
  • Absent teacher ka auto substitution suggestion (free period wale se)
  • Badlav hote hi teacher aur parent ko notification

Isse kya badlega

  • Roz subah ka adjustment 30 minute se 5 minute
  • Khaali period nahi rehte
  • Teacher ka load barabar bata hua dikhta hai

Transport

Demand par banega

Bus kahaan hai — parent ka sabse zyada poocha jaane wala sawaal

Aaj kya hota hai

  • Bus late hai, parent office phone karte hai, kisi ko pata nahi
  • Route-wise kaunsa bachcha kis bus me hai, list purani hai
  • Transport fee alag register me, defaulter pata nahi chalta
  • Driver ka license, gaadi ka insurance aur fitness ka record bikhra hua

Hum kya dete hai

  • Bus me GPS — parent app par live location
  • Route aur stop ke hisaab se student mapping
  • Pickup aur drop par parent ko alert
  • Transport fee fees module me hi jud jaati hai
  • Vehicle document ka expiry reminder

Isse kya badlega

  • Office ke phone call bahut kam ho jaate hai
  • Safety par parent ka bharosa — admission me bada point
  • Transport fee ki vasooli theek hoti hai

Library

Demand par banega

Kaunsi kitaab kiske paas hai — register dhoondhne ki zaroorat nahi

Aaj kya hota hai

  • Issue register me entry, kitaab kiske paas hai pata karna mushkil
  • Kitni kitaabe hai, kitni gum ho gayi — saal ke end me hi pata chalta hai
  • Fine calculation haath se

Hum kya dete hai

  • Barcode se issue aur return
  • Student-wise issue history
  • Due date reminder parent ko
  • Stock report — total, issued, missing

Isse kya badlega

  • Kitaab gum hona bahut kam
  • Librarian ka register ka kaam khatam
  • Audit ke waqt stock ready

Inventory & Store

Demand par banega

Uniform, kitaab, lab material — kitna aaya, kitna gaya

Aaj kya hota hai

  • Store me kya hai, koi list nahi — zaroorat par pata chalta hai khatam hai
  • Uniform aur kitaab bikta hai par hisaab register me adhoora
  • Vendor ka rate aur payment ka record bikhra hua

Hum kya dete hai

  • Stock in / out entry
  • Low-stock alert
  • Uniform aur book sale, fees module se juda hua
  • Vendor aur purchase record

Isse kya badlega

  • Aakhri waqt par saaman khatam hone wali dikkat khatam
  • Store ka leakage pakda jaata hai
  • Purchase planning pehle se ho jaati hai

Hostel

Demand par banega

Residential school ke liye — room, mess aur in-out ka pura record

Aaj kya hota hai

  • In-out register par sign, koi verify nahi karta
  • Mess ka count andaaze se banta hai, khana barbaad hota hai
  • Parent visit ka record nahi
  • Room allotment kagaz par, saal ke shuru me confusion

Hum kya dete hai

  • Room aur bed allotment
  • In / out log, parent ko notification ke saath
  • Mess attendance — roz ka actual count
  • Visitor log
  • Hostel fee fees module me

Isse kya badlega

  • Bachche ki safety ka pura record
  • Mess ka kharcha kam — count sahi hota hai
  • Parent ko bharosa ki nazar rakhi jaa rahi hai

Kis-kis se judta hai

Jo tools aap pehle se use karte hai, system unke saath chalta hai. Sab kuch badalne ki zaroorat nahi.

UPI / Online Payment

Chalu hai

Razorpay ya UPI link se fee, receipt turant

WhatsApp

Chalu hai

Attendance alert, fee reminder, notice

Google Sheets

Chalu hai

Poora data kabhi bhi export, koi lock-in nahi

SMS

Chalu hai

Jinke paas WhatsApp nahi, unke liye

Biometric Machine

Abhi nahi

Staff attendance seedha machine se

Tally

Abhi nahi

Fee entry accounts me apne aap

Shuru se chalu hone tak

Zyada waqt purana data theek karne me lagta hai, software me nahi. Ye timeline sach ke kareeb hai — 7 din ka vaada karke 30 lagana theek nahi.

  1. 11–2 din

    School visit

    Aapka mojuda tarika dekhte hai — kaunsa register, kaunsi Excel, kya sabse zyada dukh deta hai.

  2. 25–7 din

    Data import

    Student list, fee structure, staff — Excel ya register se system me. Ye kaam hum karte hai.

  3. 33–4 din

    Setup

    Class, section, fee head, concession, board ka report format — aapke hisaab se.

  4. 42–3 din

    Staff training

    School me aakar, aapke apne data par. Clerk aur teacher dono ke liye alag session.

  5. 5→

    Live + support

    Pehle mahine roz available. Uske baad WhatsApp par — jawab usi din.

Kitna kharcha aayega

Setup ek baar, uske baad monthly. Monthly me hosting, backup, support aur update sab shaamil hai — alag se kuch nahi.

Starter

300 tak students

Sabse zyada dard wale teen module — fees, attendance aur parent communication.

Setup
₹10,000
Monthly
₹4,500
  • Fees & Accounts
  • Student Attendance
  • Parent Communication
  • Admission enquiry tracking
  • Staff training aur data entry help
Ye plan discuss kare
Sabse zyada liya jaata hai

Complete

800 tak students

Poora school ek system par — plus website aur Google par dikhna.

Setup
₹18,000
Monthly
₹8,500
  • Starter ka sab kuch
  • Management dashboard
  • Exam & Result
  • Staff attendance aur payroll
  • School website + Google Business Profile
Ye plan discuss kare

Campus

800+ ya ek se zyada branch

Bade ya multi-branch school ke liye — transport, hostel aur admission marketing ke saath.

Setup
₹30,000
Monthly
₹14,000
  • Complete ka sab kuch
  • Transport GPS tracking
  • Hostel, library, inventory
  • Multi-branch dashboard
  • Admission season ka ads campaign
Ye plan discuss kare

Yeh sthaayi rate hai. School ki size aur zaroorat dekhne ke baad final quote diya jaata hai — free site visit ke baad.

Shuru karne ka sahi waqt

School ka planning cycle December se March chalta hai — nayi session ka budget aur decision usi waqt banta hai. April me session shuru hone ke baad koi naya system nahi lagwaata.

  • December–March: system chunne aur budget ka waqt
  • Feb–March: data entry aur staff training
  • April: nayi session pehle din se system par
  • Beech saal me shuru karna ho to sirf fees aur attendance se shuru karte hai — session ke beech me poora system daalna theek nahi hota

Jo sawaal har school poochta hai

Hamare paas pehle se software hai, phir kyun badle?

Zaroori nahi badlein. Pehle dekhte hai ki mojuda software me kya nahi ho raha — zyadatar school ke paas fees ka software hai par parent communication, attendance aur admission tracking bahar hai. Hum sirf wahi gap bharte hai. Poora badalna tabhi kehte hai jab purana system band ho chuka ho ya support na mil raha ho.

Purana data — students, fees ka record — kya hoga?

Hum import karte hai. Excel, purane software ka export, ya register se — jo bhi format ho. Data entry ka kaam humari taraf se hota hai, setup fees me shaamil hai. Aap ko dobara nahi likhna padta.

Staff ko chalana aayega? Hamara clerk computer me tez nahi hai

Yahi sabse zyada poocha jaata hai. Isliye training on-site hoti hai, aur pehle mahine hum roz available rehte hai. Screen Hindi me bhi rakhi jaa sakti hai. Jaanbujh kar system simple rakha gaya hai — jo roz ka kaam hai wo teen click me ho jaata hai.

Internet chala gaya to?

Attendance aur fee entry offline bhi ho jaati hai, internet aane par apne aap sync ho jaati hai. Parent ko message tabhi jaayega jab connection wapas aayega.

Data kiske paas rahega? Surakshit hai?

Data aapka hai. Roz ka automatic backup hota hai, aur aap kabhi bhi poora data Excel me export kar sakte hai. Agar kal aap humein chhodna chahe, data aapke saath jaayega — koi lock-in nahi.

Parent ko app download karna padega?

Zaroori nahi. Sabse zaroori cheezein — attendance alert, fees reminder, result — WhatsApp par chali jaati hai. App un school ke liye hai jinhe gallery, homework aur bus tracking bhi chahiye.

Kitne din me chalu ho jaayega?

Starter 2 se 3 hafte me, Complete 4 se 6 hafte me. Sabse zyada waqt purane data ko theek karne me lagta hai, software me nahi.

Pehle try kar sakte hai?

Haan. Ek class ya ek module par 30 din ka pilot chalate hai — free. Kaam kare to aage badhte hai, na kare to koi baat nahi. Chhote school ke liye yahi sabse safe tareeka hai.

Apne school ke data par demo dekhiye

30 minute ki call ya school visit. Aapke apne students aur fee structure ke saath dikhaate hai — general demo nahi. Baad me koi obligation nahi.

Free demo book kareForm bharein

Business ko online laane ka time aa gaya

Pehli baat-cheet free hai. Aap apna kaam bataiye, main bata dunga kya zaruri hai aur kya paisa barbaad karna hai.

WhatsApp pe baat kareinForm bharein

⚡ Ek din me jawab · Koi obligation nahi

WhatsApp Call karein